NJOAROSTANGILVVU NJUOLGGADUSAT

NJUOLGGADUSAT

1. Gilvvohallamii ožžot oassálastit buohkat 16 jagi deavdán nissonat ja dievddut.

2. Gilvvohallit vigget njoarostit dušše sidjiide čujuhuvvon stoalppu. Gaskkamus stoalppus oažžu 3 čuoggá ja ravdastoalppuin ovtta čuoggá. Juos gilvvohalli darveha eanet go ovtta stoalppu, son oažžu 0 čuoggá.

3. Vuosttáš beaivvi leat rátkkagilvvohallamat. Dalle gilvvohallit njoarostit moala, mii lihkada.

4. Finálii besset 32 buoremus njoarosteaddji dan mielde, man olu čuoggáid leat ožžon. Juos soapmásat leat njoarostan seammá olu čuoggáid, sii rátket ođđasis. Juos eai leat doarvái njoarosteaddjit, geain livčče doarvái čuoggát, de lea vejolaš vuorbádit.

5. Finálas njoarostit bárralagaid “gahčahangilvvus”. Gilvobárat vuorbáduvvojit ovdal finála álgima. Son, gii oažžu eanet čuoggáid, beassá joatkkit gilvvu ja nubbi báras fas gahččá gilvvus eret. Juohke runda álgá 0 čuoggáin. Sajit 1-2 gullet A-finálii, sajit 3-4 B-finálii. Sajiid 5-10 rátkojuvvojit čuokkesearuhusa mielde. Juos soapmásiin lea seammá čuokkesmearri, sadji vuorbáduvvo.

6. Njoarostanmátki lea buohkaide seammá.

7. Njoarostanstiila lea friddja.

8. Gilvvohallamiid ordnejeaddji háhká suohpaniid. Buohkat njoarostit seammalágan suohpaniin. Suohpanat leat ordnejeaddji čujuhan sajis ja doppe gilvvohalli oažžu válljet mielamiel suohpana ovdal iežat njoarostanvuoru.

9. Njoarostanbáikkis ii oaččo hárjehallat.

10. Gilvvohallamis ii oaččo njoarostit iežas suohpaniin.

11. Veahki ja veahkkegálvvuid geavaheapmi lea gildojuvvon.

12. Gilvaleaddji oažžu oassálastinmávssu máksima maŋŋel gilvvohallannummira, mas diehtá goas lea su vuorru njoarostit.

13. Juos gilvvohalli ii olle njoarostanbáikái dalle go lea su vuorru, de vuorru hilgojuvvo.

DOHKÁLAŠ BALKESTEAPMI:

14. Gilvvohalli ii oaččo luoitit suohpana gieđastis dallege go son darvviha.

15. Gilvvohalli njoarosta njoarostanlávddi alde ja jos son ii biso doppe dehe guoskkaha eatnamii, boađus hilgojuvvo.

16. Suohpana galgá darvvehit gilvvohallamis stolpui nu, ahte dat ii beasa luovvanit ieš. Gilvvohallama doaibmaolbmot gálget suohpana. Omd. dakkár dilli, mas suohpan njuike luovus stoalppus , ii dohkkehuvvo.

17. Nuppiid gilvvohalliid heađušteapmi lea gildojuvvon.

18. Juos gilvaleaddji mielas gilvvus lea dáhpáhuvvan gilvvohallama áigge meattáhusa, sus lea vuoigatvuohta dieđihit das duopmáriidda dalán njoarostanvuoru maŋŋel.

19. Gilvvohallama duopmárat čovdet čuolbmadiliid ja mearrádus lea loahpalaš.